கோவை – ஜெய்பூர் இடையே கோடைக்கால சிறப்பு ரெயில்!
கோடைக்காலத்தை முன்னிட்டு கோவை – ஜெய்பூர் இடையே சிறப்பு ரெயில் சேவை அறிவிக்கப்பட்டுள்ளது. இது குறித்து தெற்கு ரெயில்வே வெளியிட்டுள்ள செய்திக் குறிப்பில் கூறியிருப்பதாவது:
கோடைக்காலத்தை முன்னிட்டு பயணிகளின் வசதிக்காக கோவையில் இருந்து ராஜஸ்தான் மாநிலம் ஜெய்பூருக்கு சிறப்பு ரெயில் இயக்கப்படுகிறது.
அதன்படி, கோவையில் இருந்து ஜெய்பூருக்கு வருகிற ஜூன் 4 ஆம் தேதி வரை (வியாழக்கிழமை மட்டும்) வாராந்திர சிறப்பு ரெயில் ( வண்டி எண் 06181) இயக்கப்படுகிறது. அதே போல், ஜெய்பூரில் இருந்து கோவைக்கு வருகிற 12 ஆம் தேதி முதல் ஜூன் 7 ஆம் தேதி வரை (ஞாயிற்றுக்கிழமை மட்டும்) வாராந்திர சிறப்பு ரெயில் (06182) இயக்கப்படுகிறது.
இவ்வாறு அதில் கூறப்பட்டுள்ளது.
