இந்தியாவின் எப்போதும் இயங்கும் பணியாளர்களுக்காக ஸ்விக்கி 'லேட் நைட் ஈட்ஸ்' சேவையை அறிமுகப்படுத்துகிறது

இந்தியாவின் எப்போதும் இயங்கும் பணியாளர்களுக்காக ஸ்விக்கி
'லேட் நைட் ஈட்ஸ்' சேவையை அறிமுகப்படுத்துகிறது

•    இந்தியாவின் முதல் 30 நகரங்களில் உள்ள 4,000-க்கும் மேற்பட்ட அலுவலகங்கள் மற்றும் 30,000-க்கும் மேற்பட்ட உணவகங்களில் கிடைக்கும் லேட் நைட் ஈட்ஸ் , பிரத்தியேகமான உணவுகள், பெரும் தள்ளுபடிகள், விரைவான டெலிவரி மற்றும் "2 AM கிளப்"-பில் இணையும் வாய்ப்பை வழங்குகிறது.

•    புவனேஸ்வர், கோவா, கொச்சி, லக்னோ, விசாகப்பட்டினம் மற்றும் அகமதாபாத் உள்ளிட்ட இரண்டாம் நிலை நகரங்கள், இரவு நேர அலுவலக உணவு ஆர்டர்களின் வளர்ச்சியில் முன்னணியில் உள்ளன.

•    அலுவலக வளாகங்களுக்குச் சேவை வழங்கும் உணவகங்களில் மூன்றில் ஒரு பங்கிற்கும் அதிகமானவை, இரவு 10 மணி முதல் காலை 6 மணி வரை ஆர்டர்களை ஏற்றுக்கொள்கின்றன.

சென்னை: இந்தியாவின் முன்னணி ஆன்-டிமாண்ட் வசதி தளமான ஸ்விக்கி லிமிடெட் (NSE: SWIGGY / BSE: 544285), இரவு நேரங்களில் தாமதமாகப் பணிபுரியும் தொழில் வல்லுநர்களுக்காக பிரத்யேகமாக வடிவமைக்கப்பட்ட 'லேட் நைட் ஈட்ஸ்' என்ற திட்டத்தை அறிமுகப்படுத்தியுள்ளது. மலிவு விலை, வேகம் மற்றும் பொருத்தம் ஆகியவற்றை மையமாகக் கொண்டு உருவாக்கப்பட்டுள்ள 'லேட் நைட் ஈட்ஸ்', நீண்ட வேலை நேரங்கள் அல்லது உலகளாவிய நேர மண்டலங்களில் பணிபுரியும் இந்தியாவின் வளர்ந்து வரும் தொழில் வல்லுநர்களுக்கு, இரவு நேர உணவு ஆர்டர் செய்வதை மிகவும் தடையற்றதாகவும் நம்பகமானதாகவும் மாற்றுவதை நோக்கமாகக் கொண்டுள்ளது. ஸ்விக்கியின் 'லேட் நைட் ஈட்ஸ்' திட்டம், இந்தியாவின் முதல் 30 நகரங்களில் உள்ள 4000-க்கும் மேற்பட்ட அலுவலக இடங்கள் மற்றும் 30,000-க்கும் மேற்பட்ட உணவகங்களில் இரவு 10 மணி முதல் அதிகாலை 5 மணி வரை கிடைக்கிறது. இது பிரத்யேக உணவுகள், தள்ளுபடிகள் மற்றும் வேகமான டெலிவரியை வழங்குகிறது . பர்கர் கிங், டோமினோஸ் பிஸ்ஸா, மெக்டொனால்ட்ஸ், கேஎஃப்சி மற்றும் சப்வே போன்ற முன்னணி பிராண்டுகளின் உணவுகள் கிடைக்கின்றன. பயனர்கள் '2 ஏஎம் கிளப்'- ஐயும் அணுகலாம். இது குறைந்தபட்சம் அதிகாலை 2 மணி வரை செயல்படும் உணவகங்களின் பிரத்யேகத் தொகுப்பாகும். இது நீட்டிக்கப்பட்ட வேலை நேரங்களில் நம்பகமான உணவு அணுகலை உறுதி செய்கிறது.

லேட் நைட் ஈட்ஸ், டெஸ்க்ஈட்ஸ் (DeskEats) கீழ் கவனமாகத் தேர்ந்தெடுக்கப்பட்ட உணவு வகைகளை ஒன்றிணைக்கிறது. இதில், ஒன்-ஹேண்டட் கிராபீஸ் (ரோல்ஸ், ராப்ஸ் போன்றவை), ஹெல்தி நிப்பிள்ஸ் (கிரெயின் பவுல்ஸ், ஆரோக்கியத்தில் அக்கறை கொண்ட இரவு நேரப் பணியாளர்களுக்கான சாலடுகள்), சிப்-டாஸ்டிக் ஃபியூயல் (காபி, டீ, ஷேக்ஸ் மற்றும் நீண்ட நேர இரவுகளுக்கான பிற பான வகைகள்), ஸ்ட்ரெஸ் மன்ச்சீஸ் (ஃப்ரைஸ், நிபில்ஸ், ஸ்மால் பைட்ஸ்கள் - வேலை நேரங்களுக்கு இடையில் கொறிப்பதைத் தொடர) , மற்றும் டீம்வொர்க் பைட்ஸ் (பீட்சாக்கள்) ஆகியவை அடங்கும். இவை ஒவ்வொன்றும் இரவு நேர உணவுத் தேவையைப் பூர்த்தி செய்யும் வகையில் வடிவமைக்கப்பட்டுள்ளன. பணியிடத்திற்கு ஏற்ற உணவுகள் மற்றும் விரைவான சிற்றுண்டிகள் முதல் காபி, இனிப்பு வகைகள் மற்றும் பகிர்ந்து உண்ணக்கூடிய குழு ஆர்டர்கள் வரை, இரவு நேர வேலைச் சூழலுக்குப் பொருத்தமான உணவு வகைகளைத் தொழில் வல்லுநர்கள் அணுகுவதை உறுதிசெய்யும் வகையில் இந்த அனுபவம் கட்டமைக்கப்பட்டுள்ளது.

ஸ்விக்கியின் தரவுகளின்படி, இந்தப் பகுதிகளில் உள்ள பெருநிறுவன ஊழியர்களில் 25% பேர், அலுவலகத்தில் இருக்கும்போது இரவு 10 மணிக்கு மேல் உணவு ஆர்டர்களைச் செய்கின்றனர் . புவனேஸ்வர், கோவா, கொச்சி, லக்னோ, விசாகப்பட்டினம் மற்றும் அகமதாபாத் போன்ற நகரங்களில் இரவு நேர அலுவலக ஆர்டர்கள் இரட்டை இலக்க வளர்ச்சியைப் பதிவு செய்துள்ளன .இது, இந்தியாவின் இரவு நேரப் பொருளாதாரம் பாரம்பரிய பெருநகரச் சந்தைகளைத் தாண்டி விரிவடைந்து வருவதைக் குறிக்கிறது.

இந்தத் திட்டத்தின் அறிமுகம் குறித்துப் பேசிய ஸ்விக்கியின் உணவு உத்தி, வாடிக்கையாளர் அனுபவம் மற்றும் புதிய முன்னெடுப்புகள் பிரிவின் துணைத் தலைவர் தீபக் மலோ, " இன்று , பணியிடங்கள் மிக வேகமாக மாறி வருகின்றன. தொழில் வல்லுநர்கள் உலகளாவிய கால அட்டவணைகள் மற்றும் நீட்டிக்கப்பட்ட வேலை நேரங்களில் அதிகளவில் இயங்குகின்றனர். இரவு 10 மணிக்குப் பிறகான அலுவலக ஆர்டர்கள் ஆண்டுதோறும் அதிகரித்து வருவதை நாங்கள் கவனித்துள்ளோம். இது, தாமதமான வேலை நேரங்களில் உணவின் பங்கு அதிகரித்து வருவதைப் பிரதிபலிக்கிறது. மேலும், இரவு நேர ஆர்டர் செய்யும் பழக்கம் பெருநகரங்களுக்கு மட்டும் மட்டுப்படுத்தப்படவில்லை, மாறாக இரண்டாம் நிலை நகரங்களில் உள்ள பெருநிறுவன மையங்களிலும் வேகமாகப் பரவி வருகிறது. 'லேட் நைட் ஈட்ஸ்' மூலம், இரவில் பணிபுரியும் எங்கள் வாடிக்கையாளர்களுக்கு, கவனமாகத் தேர்ந்தெடுக்கப்பட்ட உணவுத் தேர்வுகள், வேகமான டெலிவரி மற்றும் அவர்களின் பணத்திற்கு அதிக மதிப்பு ஆகியவற்றின் வழியாக, உணவு டெலிவரி எவ்வாறு சிறப்பாகச் சேவை செய்ய முடியும் என்பதை நாங்கள் மறுவடிவமைத்துள்ளோம். பணியிட நடைமுறைகள் தொடர்ந்து மாறி வருவதால், இந்தியா முழுவதும் உள்ள தொழில் வல்லுநர்களுக்கு இரவு நேர உணவை மேலும் எளிதில் அணுகக்கூடியதாகவும், பொருத்தமானதாகவும், பலனளிப்பதாகவும் மாற்றுவதற்கான ஒரு வாய்ப்பை நாங்கள் காண்கிறோம். உணவகங்களின் பங்களிப்பை விரிவுபடுத்துதல், அலுவலக மையங்களில் ஆழமான பரவலை ஏற்படுத்துதல் மற்றும் இந்தியாவின் எப்போதும் இயங்கும் பணியாளர்களின் மாறிவரும் தேவைகளுக்கு ஏற்ப தொடர்ச்சியான புதுமைகளைப் புகுத்துதல் ஆகியவற்றின் மூலம் 'லேட் நைட் ஈட்ஸ்' திட்டத்தை நாங்கள் தொடர்ந்து விரிவுபடுத்துவோம்," என்றார்.

பெங்களூரு திட்ட மேலாளர் மேலும் கூறுகையில் , "நான் உலகளாவிய குழுக்களுக்கு ஆதரவளித்து அடிக்கடி தாமதமாகப் பணியாற்றுகிறேன், மேலும் வழக்கமான இரவு உணவு நேரங்களுக்குப் பிறகு நல்ல உணவுத் தேர்வுகளைக் கண்டுபிடிப்பது எப்போதும் எளிதல்ல. பிரத்யேகமாகத் தேர்ந்தெடுக்கப்பட்ட இரவு நேர உணவுகள், கவர்ச்சிகரமான சலுகைகள் மற்றும் வேகமான விநியோகம் ஆகியவை இதை உண்மையிலேயே பயனுள்ளதாக்குகின்றன."