ஹோர்முஸ் நீரிணையை முற்றிலுமாக மூடுவதாக ஈரான் அறிவிப்பு!
அமெரிக்கா மற்றும் இஸ்ரேல் ஆகிய நாடுகள் தங்களின் சர்வதேச வாக்குறுதிகளையும் உடன்படிக்கைகளையும் அப்பட்டமாக மீறியதற்குக் கடுமையான கண்டனம் தெரிவிக்கும் வகையில், உலகளாவிய கடல்சார் வர்த்தகத்தின் மிக முக்கியப் பாதையான ஹோர்முஸ் நீரிணையை (Strait of Hormuz) அனைத்து வகையான கப்பல் போக்குவரத்திற்கும் முற்றிலுமாக மூடுவதாக ஈரானின் ‘கத்தாம் அல்-அன்பியா’ (Khatam al-Anbiya) மத்திய தலைமையகம் அதிரடியாக அறிவித்துள்ளது.
சர்வதேச அளவில் கச்சா எண்ணெய் போக்குவரத்தில் மிக முக்கியப் பங்கு வகிக்கும் இந்த நீரிணையை ஈரான் மூடியுள்ளதால், உலக நாடுகள் அனைத்தும் கடும் அதிர்ச்சியடைந்துள்ளதுடன், மத்திய கிழக்குப் பகுதியில் பெரும் பதற்றமும், உலகளவில் கச்சா எண்ணெய் விலையில் வரலாறு காணாத மாற்றங்கள் ஏற்படுவதற்கான சூழலும் உருவாகியுள்ளது.
அமெரிக்கா மற்றும் இஸ்ரேலின் அச்சுறுத்தல்களுக்கு அஞ்சப்போவதில்லை என்பதை உலகிற்கு உரத்த குரலில் காட்டும் வகையில், தங்களின் இறையாண்மையைப் பாதுகாக்கவும், எதிரிகளுக்குப் பதிலடி கொடுக்கவும் ஈரான் எடுத்துள்ள இந்த அதிரடி மற்றும் ஆக்ரோஷமான ராணுவ முடிவு, சர்வதேச அரசியலிலும் உலகப் பொருளாதாரத்திலும் பெரும் பரபரப்பை ஏற்படுத்தியுள்ளது.
